د افغان نړیوال پوهنتون ۴۱ تنو کارکوونکو ته ۱۵ ورځنۍ سمینار پای ته ورسید
په افغان نړیوال پوهنتون کې چې د ۴۱ تنو نویو ګمارل شویو کارکوونکو لپاره د بشري سرچینو ریاست له لوري ۱۵ ورځنۍ سمینار دایر شوی و، د تصدیق پاڼو په ویشلو پای ته ورسید.
په هغه غوڼډه کې چې په دې اړوند جوړه شوې وه، د افغان نړیوال پوهنتون معاون ډاکټر رفیع الله منیب د لوړو زده کړو وزارت د بشري سرچینو ریاست او د ظرفیت لوړونې آمریت څخه مننه او د لا نورو ورته سیمنارونو رامنځته کولو غوښتنه وکړه، د بشري سرچینو ریاست هم ډاډ ورکړ چې په ۱۴۰۲ کال کې هم ورته پروګرامونه تر لاس لاندې لري.
د یادونې وړ ده چې په دې سمینار کې د، لوړو زده کړو وزارت پر جوړښت، د اداري پرسیجرونو پیژندنه، د اداري اسنادو مدیریت او مراسلات، دفتري مهارتونو، پلان جوړونې او د ملکي کارکوونکو مقررې په اړه معلومات وړاندي شول.
په پای کې د سمینار ګډونوالو ته تصدیق پاڼې وویشل شوې.
