د اوزبیکي او ترکمني ژبو د رسمي کیدو اوولسمه کلیزه ولمانځل شوه

baqir_admin
دوشنبه ۱۳۹۹/۱۰/۱۵ - ۱۱:۳۰
ف

د ازبیکي او ترکمني ژبو د رسمي کیدو د اوولسمې کلیزې لمانځنه د کابینې د یو شمېرغړو، ملي شخصیتونو او د سیاسي ګوندونو په ګډون ترسره شوه.

د لوړو زده کړو وزیر ډاکتر عباس بصیر په افغانستان کې د ازبیکي او ترکمني ژبو رسمی کیدل د هیواد د ملي فرهنګ د بډاینې په برخه کې یو مثبت ګام وباله او د افغانستان ټول ملت او د یادو ژبو ویونکو ته يې مبارکي وویله.

 لوړو زده کړو وزیر د لوړو زده کړو وزارت د رهبري د کړنو د تشریح په ترڅ کې وویل د هیواد له اوو پوهنتونونو څخه په زیاتو پوهنتونونو کې د ازبکي او ترکمني ژبې څانګې پرانستل شوي دي او د سلو څخه زیات محصلین د یادو ژبو د زده کړې په موخه ازبیکستان، ترکمنستان او ترکیې هیوادونو ته لیږل شوي دي څو د بیرته راتګ پر مهال د  ازبیکي او ترکمني ژبو ادب اوفرهنګ ته د خدمت مصدر شي.

د لوړو زده کړو وزیر ډاکتر عباس بصیر د ژبود اهمیت او د ژبو په وسیله د علمي او بشري تجربو انتقال  او له هغې څخه د استفادې په اړه؛ افغانستان  د ژبو او  بیلابیلو فرهنګونودغوښتنې ځای وباله او زیاته يې کړه چې په اسلامي فرهنګ او د قرآن په ژبه کې د قومونو او ژبو رنګا رنګي د الهي قدرت نښانې بلل شوي دي او ژبو او -  رنګونو ته درناوی په حقیقت کې د الهي قدرت نښانو ته درناوی کول دي.

د اطلاعاتو او فرهنک سرپرست وزیر  هم د خپلو خبرو په ترڅ کې افغانستان یو داسې هیواد وباله چې فرهنګي ډیروالی، ژبنی او قومي پلورالیزم يې په حقوقي نظام کې په رسمیت پيژندل شوي او له هغې څخه ساتنه خپل مسئولیت بولي.

د پوهنې سرپرست وزیرې رنګینې حمیدي په ترکمني او ازبیکي ژبه د  څلورسوه زره کتابونو د چاپ او توزیع خبر ورکړ او ويې ویل دا پروسه د اړتیاوو تر پوره کیدو دوام پيدا کوي.

په دې غونډه کې د پخواني ولسمشر حامد کرزي، مارشال عبدالرشید دوستم ، د مصالحې د ملي شور د رئیس ډاکتر عبدالله عبدالله  او د جمعیت اسلامي د رئیس  صلاح الدین رباني په شمول د هیواد د ملي شخصیتونو او د احزابو د مشرانو پیغامونه  ولوستل شول چې د ټولو محتوا د فرهنګي رنګا رنګۍ ، یو بل منلو،  او په افغانستان کې د سولې او ملي یووالي د بنسټونو ځواکمنتیا ښودل شوې وه.

Latest announcements

پنجشنبه ۱۴۰۳/۱۰/۶ - ۷:۳۵
Background image

داوطلبۍ فرصتونو ته د خصوصي سکتور لاسرسي پروګرام په اړه د لوړو زده کړو وزارت خبرتیا!

د لوړو زده کړو محترم وزارت په همکارۍ د ملي تدارکاتو ریاست په پام کې لري چې پر لیکه (آنلاین) د خصوصي سکتور اړوند محترمو شرکتونو ته داوطلبۍ فرصتونو ته د لاسرسي پروګرام پر لاره واچوي.
ټول . . .

Back to announcements

تازه خبرونه

دوشنبه ۱۴۰۳/۱۱/۱ - ۹:۱۰
Background image

د پوهنتونو لابراتوارونو فعالولو لپاره د ۲۷۰ میلیونو افغانیو په ارزښت لابراتواري وسایل وپېرل شول

لوړو زده کړو وزارت د یو بې ساري ګام په ترڅ کې د ټولو اړوندو امارتي تحصیلي نهادونو د ښوونې او روزنې او ساینس پوهنځيو لپاره مجهز او په عصري وسایلو سمبال لابراتوارونو فعالولو په موخه، د. . .

دوشنبه ۱۴۰۳/۱۱/۱ - ۹:۱
Background image

د کابل عبدالله بن مسعود رضي الله عنه جامعې له افتاء او قضاء څانګې څخه ۷۱ فاضلان فارغ او ټولنې ته د خدمت لپاره وړاندې شول

 

په همدې مناسبت فراغتغونډه کې د لوړو زده کړو سرپرست وزیر یادو فاضلانو ته د مبارکۍ تر څنګ وویل چې تاسو به د خپل مسلک اړوند قضاء، افتاء او نورو علمي برخو کې کار کوئ او زیاته یې کړه: «په. . .

دوشنبه ۱۴۰۳/۱۱/۱ - ۷:۵۱
Background image

د لوړو زده کړو وزارت مالي او اداري معین د کندهار پوهنتون طب پوهنځي په فراغتغونډه کې د ګډون او وینا سربېره د سترې محکمې له قضایي مرستیال او د جنوب لویدیځ زون د تمیز له عمومي رئیس سره هم لیدنه وکړه

د لوړو زده کړو وزارت مالي او اداري معین الحاج مولوي حافظ محمد حامد حسیب د کندهار پوهنتون طب پوهنځي محصلینو په فراغتغونډه کې وویل، چې اسلام موږ ته د علم پر حاصلولو او زیاتوالي امر کړی دی. . .

BACK TO NEWS