د بدخشان پوهنتون نوی ټاکل شوی رئیس معرفي او په کار یې پیل وکړ
شنبه، ۳۰ سلواغه ۱۴۰۰
د بدخشان پوهنتون نوی ټاکل شوی رئیس معرفيQ او په کار یې پیل وکړ.
پوهنیار نقیب الدین قاضي زاده چې د بدخشان د خلکو په وړاندیز او د لوړو زده کړو وزارت د اړتیا پر بنسټ د بدخشان پوهنتون د رئیس په توګه ټاکل شوی و، رسماً معرفي او په کار یې پیل وکړ.
یاد مراسم، چې په همدې موخه جوړ شوي و، په کې د بدخشان ولایت ا،ا،ا ځینو مسؤلینو، د بدخشان پوهنتون علمي او اداري کارکوونکو، دیني عالمانو، ځوانانو، فرهنګي شخصیتونو او یو شمېر هېوادوالو ګډون کړی وو.
د دې مراسمو ويناوالو په بېلابېلو علمي موضوعاتو خبرې وکړې او ژمنه يې وکړه، چې د هېواد د تحصیلي نظام د ښه والي لپاره به کار کوي.
د بدخشان پوهنتون نوي ټاکل شوي رئیس د علمي، اداري او محصلینو د علمي او مسلکي ظرفیت د لوړولو په اړه خبرې وکړې او ژمنه یې وکړه، چې په دې برخه کې به هېڅ ډول هڅې ونه سپموي.
تر دې وړاندې ښاغلی قاضي زاده د دغه پوهنتون د شرعیاتو په پوهنځي کې د استاد په توګه دنده ترسره کوله.
ــــــــــــــــ.
