د خوست والي د شيخ زايد پوهنتون څخه ليدنه وکړه.
په همدې موخه جوړې شوې غونډې کې چې د شيخ زايد پوهنتون مشرتابه، استادان، محصلين او کارمندانو ګډون درلود، د خوست ولایت والي مولوي عبدالقيوم روحاني وويل: «هغه چا چې په تېر کې د خدمت دعوې کولې تاسو وليدل، عمل نه یوازې شعار او دوکه وه.
نوموړي زياته کړه چې دلته د ملا، معلم او استاد، همدارنګه د محصل، متعلم او طـالـب العلم، مدرسې او پوهنتون تر منځ تفرقه اچول شوې وه، چې اوس مسؤلین د دغو ټولو تفرقو له منځه وړلو لپاره کار کوي.
نوموړي محصلین وهڅول چې درسونو ته پاملرنه وکړي او له بې ځایو بوختیاوو څخه ځان وساتي.
وروسته غونډه د شيخ زيد پوهنتون د رئيس شيخ الحديث راشد مسلمين په دعا سره پای ته ورسېده.
