د زابل د لوړو زده کړو مؤسسه کې د لومړي ځل لپاره د کیفیت لوړولو یو ورځنی سیمینار دایر شو.
1443/10/16
1401/02/27
د زابل د لوړو زده کړو مؤسسه کې د لومړي ځل لپاره د کیفیت لوړولو یو ورځنی سیمینار دایر شو.
ياد سيمينار د زابل د ميرويس نيکه د لوړو زده کړو مؤسسې د تضمين کیفیت او اعتبار ورکولو کميټې غړي پوهنیار بشیر الله دانشيار لخوا چې وړاندې یې د لوړو زده کړو وزارت اړوند د تضمين کیفیت او اعتبار ورکولو رياست څخه په ياده برخه کې زده کړه کړې وه ترسره شو، او د اعتبار ترلاسه کولو په لارو چارو يې مفصل معلومات وړاندې کړل.
همدا راز د زابل ميرويس نيکه د لوړو زده کړو مؤسسې رئيس روح الله مشال د کيفيت لوړاوي او د اعتبار اخيستنې پروسې په ترسره کولو تاکيد سربېره وويل، چې دې ته ورته سيمينارونه بايد دوام ومومي.
په دې سيمينار کې علمي مرستيال، مالي او اداري مرستيال، د پوهنځيو رئيسانو، د ديپارټمينټونو آمرينو، استادانو او ددې مؤسسې کارکوونکو ګډون درلود.
