د زده کړیالانو د چارو معینیت شورا ناسته وشوه
د لوړو زده کړو وزارت د زدکړیالانو چارو د معینیت ناسته د زدکړیالانو چارو د معین پوهندوی سید فرهاد شهیدزاده په مشرۍ وشوه.
په دې ناسته کې د دولتي او خصوصي زدکړیالانو، د بهرنیو اسنادو د ارزونې، د بورسونو د تنظیم او بهرنیو اړیکو رییسانو، د لوړو زده کړو وزارت د زدکړیالانو چارو سلاکار او د دغه وزارت د زدکړیالانو د خدمتونو د انسجام آمرې هم ګډون کړی و.
په ناسته کې پر بېلابېلو مسایلو لکه د خصوصي لوړو زده کړو موسسو او پوهنتونونو مراجعینو ته د معیاري خدمتونو وړاندې کولو، په غیر کریډېټ سیسټم کې د زدکړیالانو د نومرو د ټرانسکرېپټ فارمټ او له لایحې سره سم د تحصیلي دورې د وخت په اړه د لېسانس روزنیزې دورې د ۲۳مې مادې پلي کولو په اړه بحث وشو او نظرونه شریک شول او همدارنګه لازمې پرېکړې وشوې.
