د قزاقستان هېواد د ماسټرۍ او دوکتورا په کچه د بورسونو رقابتي ازموینه واخیستل شوه

baqir_admin
پنجشنبه ۱۴۰۰/۳/۲۰ - ۴:۲۴
g

د قزاقستان هېواد د ماسټرۍ او دوکتورا په کچه د بورسونو رقابتي ازموینه نن په لوړو زده کړو وزارت کې واخیستل شوه.

د هغې هوکړې پر بنسټ چې د افغانستان لوړو زده کړو وزارت او قزاقستان هېواد تر منځ لاسلیک شوې، د قزاقستان هېواد هر کال د لېسانس، ماسټرۍ او دوکتورا په کچه ۳۰ تحصیلي بورسونه د لوړو زده کړو وزارت په واک کې ورکوي چې د ماسټرۍ او دوکتورا بورسونه د تحصیلي بنسټونو استادانو ته ځانګړي شوي دي.

دغه بورسونه د افغانستان د اړتیاوو پر بنسټ د ماسټرۍ په کچه په (کیمیا، فزیک، بیولوژي او نړیوالو اړیکو) او د دوکتورا په کچه د (اقتصاد او نړیوالو اړیکو) په برخو کې دي.

په نننۍ رقابتي ازموینه کې د ماسټرۍ او دوکتورا لپاره ۴۰ نوماندانو ګډون کړی وو چې له هغو څخه به یې ۱۲ کسان د ماسټرۍ او ۲ کسان د دوکتورا لپاره د لوړو نومرو پر بنسټ وټاکل شي.

نننۍ ازموینه د قزاقستان هېواد او لوړو زده کړو وزارت پلاوو په ګډه څارله.

په پام کې ده چې د لېسانس په کچه د قزاقستان هېواد د بورسونو ازموینه سبا واخیستل شي.

دا په داسې حال کې ده چې ۳۰۰ افغان ځوانان په بېلابېلو تحصیلي کچو په قزاقستان کې په زده کړو بوخت دي.

تازه خبرونه

دوشنبه ۱۴۰۰/۵/۴ - ۹:۵۷
Background image

په لوړو زده کړو بنسټونو کې د کورونا ویروس د تطبیق د چټکتیا په موخه ناسته وشوه

د هېواد ټولو دولتي او خصوصي پوهنتونو کې د کورونا ویروس واکسین تطبیق پروسې په اړه، لوړو زده کړو وزارت کې ناسته وشوه.

دغه ناسته کې د لوړو زده کړو وزارت د دولتي محصلانو رییس پوهنوال. . .

شنبه ۱۴۰۰/۵/۲ - ۱۲:۴۸
Background image

د لوړو زده کړو وزیر د دغه وزارت مرکزي ادارو له کارکوونکو سره د اختر مبارکي وکړه

په اصولو او مقرراتو درېدل او له مراجعینو سره غوره چلند د ملکي خدمتونو د یوې ادارې د هر مامور اساسي مکلفیت دی او اړینه ده چې پام ورته وشي.

دغه ټکی د لوړو زده کړو وزیر دوکتور عباس بصیر. . .

یکشنبه ۱۴۰۰/۴/۲۷ - ۵:۳
Background image

د لوړو زده کړو وزیر د مصر له سفیر سره وکتل

د لوړو زده کړو وزیر دوکتور عباس بصیر په کابل کې د مصر له سفیر احمد اسماعیل عثمان سره د لیدنې پر مهال د اکاډمیکو همکاریو او د هغه هېواد تحصیلي بورسونو د پروسې د بشپړېدو او قبولۍ د. . .

BACK TO NEWS