د لوړو زده کړو سرپرست وزیر الحاج مولوي عبدالباقي حقاني د تسلیت پیغام!
په ډېرې خواشینۍ سره خبر شوم، چې په پکتیکا او خوست ولایتونو کې د زلزلې او سیلابونو له امله زموږ هېوادوالو ته ډېر ځاني او مالي زیانونه اوښتي دي. نو د دغو پېښو ټولو شهیدانو ته د الله تعالی له دربار څخه جنت الفردوس، کورنیو او خپلوانو ته یې جمیل صبر او ټپیانو ته د عاجلې شفا غوښتنه کوو.
له ټولو داخلي او بهرنیو مرستندویه بنسټونو څخه هیله کوو، چې د یادو پېښو له زیانمنو سره مرسته وکړي.
ومن الله توفیق
د لوړو زده کړو سرپرست وزیر
الحاج مولوي عبدالباقي حقاني
