د لوړو زده کړو سرپرست وزیر الحاج مولوي عبدالباقي حقاني د یوه پلاوي په مشرۍ د هېواد د لوړو زده کړو لپاره د مرستو راجلبولو په موخه، نن ماښام د ترکیې هېواد په رسمي بلنه دغه هېواد ته سفر وکړ
۱۴۴۳/۱۱/۱۵
۱۴۰۱/۳/۲۵
د لوړو زده کړو سرپرست وزیر الحاج مولوي عبدالباقي حقاني د یوه پلاوي په مشرۍ د هېواد د لوړو زده کړو لپاره د مرستو راجلبولو په موخه، نن ماښام د ترکیې هېواد په رسمي بلنه دغه هېواد ته سفر وکړ.
په پام کې ده چې د لوړو زده کړو سرپرست وزیر به د دغه سفر پر مهال د ترکیې تحصیلي سکټور له مسؤلانو سره وګوري او د افغانستان د تحصیلي نظام د ځواکمنتیا، د تحصیلي بورسونو زیاتولو، د دواړو هېوادونو د پوهنتونونو تر منځ د اکاډمیکو همکاریو او ګډو څېړنیزو پروژو په برخه کې د یاد هېواد د مرستو راجلبولو په موخه د دغه هېواد له یو شمېر چارواکو سره وګوري.
د یادولو وړ ده چې په دغه سفر کې د لوړو زده کړو له سرپرست وزیر سره د کابل پوهنتون رئیس دوکتور اسامه عزیز او د لوړو زده کړو وزارت یو شمېر مسؤلان ملتیا کوي.
