د لوړو زده کړو سرپرست وزیر الحاج مولوي عبدالباقي حقاني په خپل کاري دفتر کې د جمهوري اسلامي پاکستان له سفیر منصور احمد خان سره وکتل او د دواړو هېوادونو تر منځ یې د اکاډمیکو اړیکو پر پراختیا خبرې وکړې
د لوړو زده کړو سرپرست وزیر الحاج مولوي عبدالباقي حقاني په خپل کاري دفتر کې د جمهوري اسلامي پاکستان له سفیر منصور احمد خان سره وکتل او د دواړو هېوادونو تر منځ یې د اکاډمیکو اړیکو پر پراختیا خبرې وکړې. په دغه لیدنه کې د لوړو زده کړو سرپرست وزیر د دواړو هېوادونو تر منځ ښو اړیکو ته په اشارې سره وویل، چې افغانستان او پاکستان سربېره پر ګاونډیتوب ډېر دیني او کلتوري مشترکات لري، چې له هغو څخه په ښه ګټه اخیستنې په اکاډمیکو، اقتصادي او نورو برخو کې له یوبل سره همکارۍ کولی شي. په پای کې دواړو اړخونو د افغانستان پوهنتونو د استادانو ظرفیت لوړو لپاره د لنډمهاله رزونیزو پروګرامونو او همدارنګه د لوړو زده کړو په موخه د هغو ۳۰ تنو استادانو د استولو په اړه خبرې وکړې، چې پخوا یې په اړه بحثونه شوي وو.
