د لوړو زده کړو سرپرست وزیر د خپلو سفرونو پر دوام، په پکتیکا لوړو زده کړو مؤسسه کې یوې سترې غونډې ته وینا وکړه
په یاده غونډه کې د پکتیکا والي مولوي عبدالخالق عابد، امنیه قومندان مولوي محمد شریف حلیمي، د پکتیکا لوړو زده کړو مؤسسې مشرتابه پلاوي، استادانو او محصلینو ګډون کړی و.
د لوړو زده کړو سرپرست وزیر محترم شیخ الحدیث مولوي نداء محمد ندیم په دغه غونډه کې محصلینو ته سپارښتنه وکړه: چې خپلو زده کړو ته ښه پلان جوړ او خپل وخت ضایع نه کړي.
نوموړي د خپلو خبرو پر دوام وویل: چې اسلام د احترام او ادب دین دی او له محصلینو څخه یې وغوښتل چې د خپلو استادانو او مشرانو احترام وکړي او د خپلو پلرونو په شان یې وګڼي.
د لوړو زده کړو سرپرست وزیر د پکتیکا لوړو زده کړو مؤسسې محصلینو ته وویل: چې تاسو د هېواد، نظام او خپلو کورنیو لپاره ډېر مهم خلک یاست او خپلې هیلې یې په تاسو پورې تړلي دي.
نېټه: سه شنبه
۱۴۴۶هـ.ق، د ربیع الثاني ۱۹ مه
۱۴۰۳هـ.ش، د عقرب ۱
۲۰۲۴م، د اکتوبر۲۲ مه
