د لوړو زده کړو سرپرست وزیر د لغمان ولایت علماو او سپین ږیرو په غوښتنه په لغمان پوهنتون کې د شپې پوهنځی منظور کړ.
د لوړو زده کړو سرپرست وزیر الحاج مولوي عبدالباقي حقاني، چې د لغمان پوهنتون تحصیلي وضیعت څارنې او ارزونې په موخه یې لغمان ولایت ته سفر کړی، په لغمان پوهنتون کې یې د دغه ولایت یو شمېر علماو او سپین ږیرو سره ناسته وکړه او د دوی غوښتنې یې واورېدې.
سرپرست وزیر سره په ناسته کې د لغمان ولایت علماو او سپین ږیرو د نورو غوښتنو ترڅنګ د لغمان پوهنتون د شپې پوهنځي د پیل غوښتنه وکړه، چې نوموړي یې غوښتنه ومنله او په لغمان پوهنتون کې یې د شپې پوهنځی منظور کړ، چې د بیالوژي، پښتو، انګلیسي او فزیک څانګې به ولري.
