د لوړو زده کړو سرپرست وزیر مولوي عبدالباقي حقاني کندهار ته د خپل سفر په ترڅ کې، د کندهار پوهنتون طبي پوهنځي او تدریسي روغتون څخه لیدنه وکړه
۱۴۰۰کال، د کب ۱۲مه
د لوړو زده کړو سرپرست وزیر مولوي عبدالباقي حقاني کندهار ته د خپل سفر په ترڅ کې، د کندهار پوهنتون طبي پوهنځي او تدریسي روغتون څخه لیدنه وکړه.
په دغه لیدنه کې د کندهار پوهنتون رئیس ډاکټر پوهنمل ذکریا امیرزاده، د تدریسي روغتون استادانو، ډاکټرانو او کارکوونکو حضور درلود.
د تدریسي روغتون مسؤلینو د درملو او استادانو د کمښت په برخه کې خپلې ستونزې د لوړو زده کړو له سرپرست وزیر سره شرېکې کړې او د لوړو زده کړو سرپرست له لوري د یادو ستونزو د حل په برخه کې د پوره همکارۍ ډاډ ورکړل شو.
دغه راز ښاغلي مولوي حقاني وویل، چې د نورو هېوادونو مثبتې تجربې به خپل نصاب کې ځای پر ځای کوو او خپل نصاب ته به پیاوړتیا ورکوو.
همدارنګه سرپرست وزیر دا هم وویل: "داچې د کرېکولم تجدید او اصلاح کېدو اړتیا لیدل کېږي؛ موږ هڅه کوو چې دا چاره ژر ترسره کړو."
