د لوړو زده کړو علمي معين د افغانستان د کرنيزو علومو او تکنالوژۍ ملي پوهنتون د رييس په جنازه کې ګډون وکړ
د لوړو زده کړو وزاړت علمي معين پوهنمل عبدالتواب بالاکرزي د افغانستان د کرنې او ټکنالوژۍ د ملي پوهنتون د رييس پوهنمل حضرت مير توتاخيل د جنازې په مراسمو کې ګډون وکړ.
پوهنمل بالاکرزي د هغه مړينه د لوړو زده کړو وزارت کورنۍ له پاره يوه ستره ضايعه وبلله. پوهنمل عبدالتواب بالاکرزي د مرحوم توتاخيل د خدمتونو يادونه وکړه او د علمي کادر د غړي او کندهار پوهنتون او د کرنيزې ټکنالوژۍ د ملي پوهنتون د رييس په توګه يې د هغه د تېرو دورو د خدمتونو يادونه وکړه، د هغه مرګ يي ستره او نه جبرانېدونکې ضايعه وبلله.
علمي معين د مرحوم توتاخيل کورنۍ او دوستانو ته تسليت ووايه او ارواښاد ته يې د فردوس جنت او خپلوانو ته يې د جميل صبر غوښتنه وکړه.
