د لوړو زده کړو علمي معين د افغان نړیوال پوهنتون د طب، انجنیرۍ او زراعت فوق لېسانس برنامو د تحصیلي نصاب د ترتیب او چمتو کولو کلستر څخه ليدنه وکړه.
د لوړو زده کړو وزرات عملي معين د خپلو خبرو پر مهال دعلم په ارزښت خبرې وکړې، استادان او کادري غړې يې د هېواد تحصيلي سرمايه وبلله.
د لوړو زده کړو وزارت علمي معين یاده کړه، چې نور هېوادونه سره د دې چې مالي امکانات هم لري؛ خو بیا هم د متخصصينو د کمبود سره مخامخ دي.
ده د کلستر له غړو څخه وغوښتل، چې خپل مؤثريت وښايي او خپلو ځوانانو ته د ښه تحصيلي نصاب په چمتو کولو کې لا ډېر کوښښ وکړي.
د يادونې وړ ده، چې د افغان نړيوال پوهنتون د تحصيلي نصاب د ترتيب او چمتو کولو برنامه د تېرو څلورو ورځو راهيسې دوام لري.
