د لوړو زده کړو وزارت او خصوصي تحصیلي بنسټونو د ګډ کمیسیون نوبتي ناسته د دغه وزارت د تضمین کیفیت او عتبار ورکونې رئیس په مشرۍ ترسره شوه

په دغه کمیسیون کې د لوړو زده کړو وزارت د مرکزي ادارو یو شمېر رئیسان او د خصوصي تحصیلي بنسټونو اتحادیه غړیتوب لري، چې په خصوصي تحصیلي بنسټونو کې د ستونزو د حل او کارونو د غوره والي په موخه ایجاد شوی دی. 

 په یاده ناسته کې له اجنډا سره سم د تېرې ناستې پرېکړو ته لنډه کتنه وشوه او د کمیسیون د غړو له لوري د لوړو زده  کړو له خصوصي سکټور څخه د ملاتړ، په خصوصي تحصیلي بنسټونو کې د روڼتیا او کیفیت پر څرنګوالي، د خصوصي تحصیلي بنسټونو د اقتصادي ستونزو، د واحد نصاب پر رامنځته کولو، د علمي کادر د استخدام پر څرنګوالي، د کانکور پر ازموینې او نورو اړوندو موضوعاتو بحثونه وشول. 

دغه راز د ځینو موضوعات لپاره کمېټې وټاکل شوې، تر څو اړوندې موضوعات دقیق وڅېړي او پایلې یې د کمیېسیون راتلونکې ناستې ته راوړي. 

د یادولو وړ ده چې لوړو زده کړو وزارت د خصوصي تحصیلي بنسټونو د ستونزو د حل، د دغه وزارت او اسلامي امارت د پالیسیو د عملي کولو په برخه کې نه ستړې کېدونکې هلي ځلې کړي دي