د لوړو زده کړو وزارت خصوصي محصلانو چارو رئیس په مشرۍ د دغه وزارت پلاوي د کندوز خصوصي تحصیلي بنسټونو څخه لیدنه او څارنه وکړه.
۱۴۴۴/۱/۱۹
۱۴۰۱/۵/۲۶
د لوړو زده کړو وزارت خصوصي محصلانو چارو رئیس انجنیر سید اسماعیل روحاني، په داسې حال کې چې د علمي پروګرامونو د پراختیا رئيس انجنیر روح الله روحاني او مالي او حسابي رئیس عبدالباري خپلواک یې هم ملتیا کوله د کندوز شېرزی افغان، نمر، شمال، کهندژ، د کندوز سلام څانګې او امام محمد شیباني خصوصي لوړو زده کړو ، مؤسسو د علمي، اداري او تدریسي چارو څارنه او ارزونه وکړه.
د لوړو زده کړو وزارت پلاوي د یادو خصوصي تحصیلي بنسټونو کتابتونونه، کمپیوټر لب، تدریسي خونې او درسي چاپېریال له نېږد ولید او د یادو تحصیلي بنسټونو له مسؤلانو یې وغوښتل چې د خپلو تحصیلي بنسټونو د تجهیز او معیاري کولو په برخه کې هڅې وکړي.
همدارنګه د لوړو زده کړو وزارت پلاوي د کندوز خصوصي تحصیلي بنسټونو له مسؤلانو سره په کندوز پوهنتون کې د همغږۍ ګډه ناسته وکړه، هغوی ته یې د وزارت د قوانینو او مقرراتو د مراعاتولو په برخه کې سپارښتنې وکړې او د قانون په چوکاټ کې یې د هر ډول ستونزو د حل ډاډ ورکړ.
