د لوړو زده کړو وزارت د تضمین کیفیت او اعتبار ورکونې رئیس او مل پلاوي، هرات ولایت ته په کاري سفر کې د هرات پوهنتون بېلابېلو څانګو ارزونه وکړه.
د تضمین کیفیت او اعتبار ورکونې رئیس شاکر وحیدي او مل پلاوي د هرات پوهنتون له پلاوي سره د لیدنې تر څنګ، د هرات پوهنتون بېلابېلو څانګو ارزونه وکړه او د چارو د لا ښه کېدو لپاره يې مسئولینو ته لازمې لارښوونې وکړې.
د لوړو زده کړو وزارت د تضمین کیفیت او اعتبار ورکونې رئیس په وینا، له دې سفر څخه موخه د پوهنتون له کړنو او د تضمین کیفیت اواعتبار ورکونې اړوند سندونو څیړنه وه؛ چې د علمي او اداري کړنو، کتابتونونو، لابراتوارونو، د معلوماتي ټکنالوژۍ مرکز او همدارنګه د ماسټرۍ برخو د سندونو او شواهدو بیا کتنه او ارزونه وشوه.
