د لوړو زده کړو وزارت د خصوصي محصلانو چارو ریاست په شپږو وروستیو میاشتو کې 50 زره تحصیلي سندونه، مکتوبونه، د پایلو جدولونه او ادارو استعلامونه طی مراحل کړي دي.

24/2/1401
13/10/1443
د لوړو زده کړو وزارت د خصوصي محصلانو چارو ریاست په شپږو وروستیو میاشتو کې 50 زره تحصیلي سندونه، مکتوبونه، د پایلو جدولونه او ادارو استعلامونه طی مراحل کړي دي. 
د لوړو زده کړو وزارت د خصوصي محصلانو چارو رئیس انجنیر سید اسماعیل روحاني د یاد ریاست له کار کوونکو سره په ناسته کې د یادو شمېرو د یادونې تر څنګ، په دغه ریاست کې پر روڼتیا، څارنې او کاري چټکتیا ټینګار وکړ. 
په دغه ناسته کې د خصوصي محصلانو چارو رئیس له اړوندو کار کوونکو څخه د خصوصي تحصیلي بنسټونو د اسنادو د طی مراحل کولو راپور واورېد او هغوی ته یې د لا غوره خدمتونو د وړاندې کولو سپارښتنه وکړه. 
انجنیر سید اسماعیل روحاني وویل: «په کارونو کې مو همغږي، دقت، سرعت او باور زیات کړي، تر څو د خصوصي تحصیلي بنسټونو د محصلانو لپاره غوره خدمتونه وړاندې شي.» 
نوموړي زیاته کړه، چې په مسلکي ډول د کار پېژندنه، څېړنه او په صادقانه او رڼه ډول د خصوصي تحصیلي بنسټونو ارزونه د جعل کارۍ مخه نیسي او هېڅ بنسټ به ونه شي کړای چې خیالي محصلین ولري.