د لوړو زده کړو وزارت د داخلي پلټنې ریاست پلاوي د کندهار پوهنتون، د زراعتي علومو(انستو) پوهنتون او په دغه ولایت کې د میرویس نیکه، بینوا او ملالۍ خصوصي لوړو زده کړو مؤسسو څخه لیدنه کړه.
۱۴۰۱کال، د وري ۴مه
د لوړو زده کړو وزارت د داخلي پلټنې ریاست پلاوي د کندهار پوهنتون، د زراعتي علومو(انستو) پوهنتون او په دغه ولایت کې د میرویس نیکه، بینوا او ملالۍ خصوصي لوړو زده کړو مؤسسو څخه لیدنه کړه.
دغه پلاوي د مالي او اداري چارو د قوانینو د رعایتولو مفتش مولوي عبدالولي عابد په مشرۍ د کندهار پوهنتون له مشرتابه سره د لیدنې پر مهال د لوړو زده کړو وزارت لارښوونې او سپارښتنې وړاندې کړې او همدارنګه د کندهار پوهنتون او د افغانستان د ملي ټکنالوژي او زراعتي علومو پوهنتون (انستو) د ټولو پوهنځيو او ادارو مالي، اداري او تحصیلي چارو هر اړخیزه پلټنه یې وکړه.
یاد پلاوي په کندهار کې د میرویس نیکه، بینوا او ملالۍ خصوصي لوړ زده کړو مؤسسې له نیږدې وکتلې او د یادو تحصیلي بنسټونو مالي، اداري او تحصیلي بهیر یې له نیږدې وارزو.
