د لوړو زده کړو وزارت د دعوت او ارشاد رئیس او ورسره مل پلاوي د رابعه بلخي خصوصي پوهنتون څخه لېدنه او په یاد پوهنتون کې یې د دعوت او ارشاد له لوري د لېږل شوې طرحې د تطبیق څارنه وکړه.
۸/۱۰/۱۴۴۳
۱۹/۲/۱۴۰۱
د لوړو زده کړو وزارت د دعوت او ارشاد رئیس او ورسره مل پلاوي د رابعه بلخي خصوصي پوهنتون څخه لېدنه او په یاد پوهنتون کې یې د دعوت او ارشاد له لوري د لېږل شوې طرحې د تطبیق څارنه وکړه.
د لوړو زده کړو وزارت د دعوت ارشاد رئیس شیخ شاکرالله وحدت او ورسره مل پلاوي په داسې حال کې، چې د خصوصي لوړو زده کړو بنسټونو اجرائیه رئیس هم شتون درلود، د رابعه بلخي خصوصي پوهنتون څخه لېدنه وکړه او په یاد پوهنتون کې یې د دعوت او ارشاد د طرحې د تطبیق څارنه وکړه.
په دغه لیدنه او څارنه کې د لوړو زده کړو وزارت د دعوت او ارشاد رئیس شیخ شاکرالله وحدت د رابعه بلخي خصوصي پوهنتون محصلینو او کارکوونکو ته د دعوت او ارشاد له لوري خصوصي پوهنتونونو لپاره ترتیب شوې طرحه بیان کړه او یادونه یې وکړه، چې یاده طرحه یې د اسلامي شریعت او د افغانستان کلتور او فرهنګ ته په کتو ترتیب کړې ده.
د رابعه بلخي خصوصي پوهنتون رئیس محمد ظاهر زارع په خپلو خبرو کې د ا.ا.ا له لوري د خصوصي پوهنتونونو اړوند ټولو فرمانونو د تطبیق په اړه ډاډ څرګند کړ او په وینا یې، چې دوی ته د دعوت او ارشاد له لوري ورکړل شوې طرحه یې عملي کړې او عملي کولو ته یې ژمن دي.
