د لوړو زده کړو وزارت د دیني جامعاتو او تخصصاتو ریاست، د عبدالله بن مسعود د تخصصاتي پروګرامونو د کادري بستونو لپاره
16 جوزا 1401
1443/11/6
د لوړو زده کړو وزارت د دیني جامعاتو او تخصصاتو ریاست، د عبدالله بن مسعود د تخصصاتي پروګرامونو د کادري بستونو لپاره له ۴۹ غوښتوونکو تحریري او تقریري ازموینه واخېسته.
په پیل کې د لوړو زده کړو وزارت د تحصیلي نصاب رئیس مفتي عبدالرؤف فراهي د ازموینې د اخیستو څرنګوالي په اړه هر اړخیز معلومات وړاندې کړل او د ازموینې د شفافیت په اړه یې ګډونوالو ته ډاډ ورکړ.
د هغه په وينا، هغه نوماندان یا غوښتوونکي چې په برياليتوب سره د ازموينې بهیر تېر کړي، د خپلو تحصیلي څانګو مطابق به په ۵ تخصصي پروګرامونو، چې په کې د تفسیر او قران تخصص، حدیث او د حدیثو علوم، افتاء او قضاء تخصص، دعوت او ارشاد تخصص او اقتصاد او اسلامي بانکداري تخصص شامل دي، د استادانو په توګه جذب شي.
