د لوړو زده کړو وزارت د زدکړیالانو د چارو معین د عمومي منښت دفترونو مسوولانو خدماتو وړاندې کولو څرنګوالی وڅاره
د لوړو زده کړو وزارت د زدکړیالانو چارو مرستیال پوهندوی سید فرهاد شهیدزاده د دغه وزارت له یو شمېر رئیسانو سره په ګډه د عمومي منښت دفترونو د مسؤلینو لخوا د خدمتونو وړاندې کولو څرنګوالی وڅاره او ویې څېړه.
په دې لیدنه کې د زدکړیالانو چارو مرستیال د مراجعینو چارو اجرایوي پروسې، د سندونو اخیستل او سپارل د واردلو او صادرولو نېټې او د سندونو مودې ته په کتو سره وڅېړل او د دغه مرکز د بېلابېلو څانګو له کارکوونکو څخه یې وغوښتل چې د چارو په مخته وړلو کې د مراجعینو د سندونو د پروسې په مخته وړلو کې د غور تر څنګ چټکتیا او وخت په پام کې ونیسې او په خپلو اداري کارونو کې اسانتیاوي رامنځته کړي.
په ورته وخت کې پوهندوی سید فرهاد شهیدزاده د سندونو طی مراحلو څرنګوالي په اړه د مراجعینو نظرونه او وړاندیزونه واورېدل او دوی ته یې ډاډ ورکړ چې د زدکړیالانو د چارو په برخه کې د کاري چاپېریال د ښه والي لپاره برنامې لري چې پر بنسټ به یې د تېر په پرتله په کاري اجرااتو کې چټکتیا او روڼتیا ډېره شي.
همدارنګه د دولتی زدکړیالانو چارو رئیس پوهنوال محمد شریف او د خصوصي زدکړیالانو رئیس ډاکټر خیبر سیفي د دولتي او خصوصي زدکړیالانو په چارو کې د کار چټکتیا او کیفیت د تېرو وختونو په پرتله ښه وباله او ټینګار یې وکړ چې غوره فرصتونو او په اداري چارو کې د اسانتیاوو رامنځته کول د دغو دوو بڼسټونو له دوامداره اندېښنو څخه دی او هڅه کېږي چې د اجراییوي چارو په پروسه کې د تېرو وختونو په پرتله ډېر کیفیت او چټکتیا رامنځته شي.
د لیدنې په بهیر کې د اداري او زېربنا ریاست سرپرست سید نسیم سادات او د منښت دفترونو عمومي آمر اسدالله سایق هم شتون درلود.
