د لوړو زده کړو وزارت د علمي پروګرامونو د پراختیا رئیس انجنیر روح الله روحاني په مشرۍ د دغه وزارت یوې کمېټې د هلمند لوړو زه کړو مؤسسې له راغلي پلاوي سره ناسته وکړه.
۱۴۴۴/۱/۱۲
۱۴۰۱/۵/۱۹
د لوړو زده کړو وزارت د علمي پروګرامونو د پراختیا رئیس انجنیر روح الله روحاني په مشرۍ د دغه وزارت یوې کمېټې د هلمند لوړو زه کړو مؤسسې له راغلي پلاوي سره ناسته وکړه.
په یاده کمېټه کې د تضمین کیفیت او اعتبار ورکونې رئیس استاد شاکر وحیدي او د څېړنې، تالیف او ژباړې رئیس دوکتور حمید الله مزمل هم شامل وو، چې په پیل کې د کمېټې مشر د هلمند لوړو زده کړو مؤسسې پلاوي ته ښه راغلاست وویل او وروسته یې له هغوی څخه د هلمند لوړو زده کړو مؤسسې ستونزوې او اړتیاوې واورېدې.
همدارنګه د هلمند لوړو زده کړو مؤسسې مشر پوهنیار محمد سورګل عبدالرحمن د یادې مؤسسې په اړه معلومات وړاندې کړل. په هلمند لوړو زده کړو مؤسسه کې یې د نیمه کاره پروژو په اړه خبرې وکړې، د پروژو د تکمیل، د هلمند لوړو زده کړو مؤسسې د ارتقاع او ځينو نورو ستونزو د حل غوښتنه یې وکړه، چې د لوړو زده کړو وزارت د کمېټې له لوري د پوره همکارۍ ډاډ ورکړل شو او ژمنه یې ورسره وکړه چې له خپلو مشرانو سره له مشورو وروسته به شرایطو او امکاناتو ته په کتو د هغوی غوښتنو ته رسیده ګي وکړي.
