د لوړو زده کړو وزارت د علمي پروګرامونو د پراختیا رئیس انجنیر سردار ولي صالحي په مشرۍ د دغه وزارت او د تخنیکي او مسلکي زده کړو ادارې تر منځ ګډه ناسته وشوه.
په پیل کې د لوړو زده کړو وزارت د علمي پروګرامونو د پراختیا رئیس د یادې ناستې د ارزښت په اړه خبرې وکړې.
همدارنګه د تخنیکي او مسلکي زده کړو ادارې مرستیال مولوي غلام سعید احساس د دغې ادارې د اساسي موخو، لاسته راوړنو او په مختلفو برخو د کې لاسته راوړنو په اړه ملومات ورکړل او ویې ویل چې د دغې ادارې موخه د هېواد ځانبساینه، د کارموندنې کچه لوړول او د بېوزلۍ راکمول دي. نوموړي په دغه اداره کې د مهارتونو لوړونو په برخه کې د لوړو زده کړو وزارت د لا زیاتې پاملرنې او همکارۍ غوښتنه وکړه.
وروسته د ناستې غړو له اجنډا سره سم د تېرو شوراګانو پرېکړو ته لنډه کتنه وکړه او د ننۍ اجنډا په اړه یې بحثونه او لازمې پرېکړې وکړې.
نېټه: پنجشنبه
۱۴۴۴/۸/۱۶هـ.ق ۱۴۰۱/۱۲/۱۸هـ.ش ۲۰۲۳/۳/۹م
