د لوړو زده کړو وزارت د علمي پروګرامونو د پراختیا رئیس په مشرۍ د دغه وزارت پلاوي د آزاد اسلامي خصوصي پوهنتون فوق لیسانس پروګرامونه وارزول.
د علمي پروګرامونو د پراختیا رئیس انجنیر سردار ولي صالحي په مشرۍ د څارنې او ارزونې، تضمین کیفیت او اعتبارو ورکونې، داخلي پلټنې او خصوصي محصلانو چارو ریاست رئیسانو او استازو ګډ پلاوي پرون ورځ د یاد پوهنتون د فوق الېسانس پروګرامونو علمي، تدریسي، اداري او مالي چارې وارزولې.
نوموړي پلاوي د یادو پروګرامونو د محصلانو لپاره د واجد الشرائط استادانو، تحقیقي مرکزونو، کتابتونونو، منظمو درسي ټولګیو او نورو لازمو امکاناتو د څرنګوالي د کتنې او ارزونې ترڅنګ، د یاد خصوصي پوهنتون مسئولینو ته د شته ستونزو د حل په موخه لازمې لارښوونې وکړې او د ټولو ملي او نړیوالو معیارونو د پوره کولو او پاللو سپارښتنه یې ورته وکړه.
نېټه: پنج شنبه
۱۴۴۴/۵/۷ هـ ق ـــ ۱۰ / ۹ / ۱۴۰۱ هـ ش ۲۰۲۲/۱۱/۳۰م
د لوړو زده کړو وزارت مطبوعاتي دفتر
