د لوړو زده کړو وزارت د مرکزي ادارو د تشکیلاتي جوړښت د بیاکتنې کمېټې نوبتي غونډه جوړه شوه
د لوړو زده کړو وزارت د مرکزي ادارو د تشکیلاتي جوړښت د بیاکتنې کمېټې نوبتي غونډه د دغه وزارت د مالي او اداري معین په مشرۍ جوړه شوه.
د غونډې په پیل کې د لوړو زده کړو وزارت مالي او اداري معین نور احمد دروېش د هغو ریاستونو د تشکیلاتو د اصلاح او نهایي کولو په برخه کې د بشري منابعو ریاست کاري راپور واورېد چې په تېرو غونډو کې یې په اړه بحث شوی و.
په دې غونډه کې د اجنډا له مخې د اطلاعاتو او عامه اړیکو، معلوماتي ټکنالوژۍ او جنډر ریاستونو د تشکیل طرحې پر نهایي کولو بحث وشو او نظرونه شریک شول چې تر یو لړ لازمو اصلاحاتو وروسته یادې طرحې په پرنسیپ کې تاییدې شوې.
همدارنګه په یاده غونډه کې د لوړو زده کړو وزارت د تشکیلاتي جوړښت د بیاکتنې کمېټې غړو د دغه وزارت د تشکیلاتي جوړښت پر څرنګوالي هم تخنیکي بحثونه وکړل چې د هېواد د لوړو زده کړو نظام سم مدیریت او کاري پروسه چټکه کړای شي او په دې برخه کې معقول وړاندیزونه وشول. همدارنګه پرېکړه وشوه چې په راتلونکو غونډو کې یې جزئیات په کارپوهانه توګه وارزول شي.
