د لوړو زده کړو وزارت د مرکزي زون دولتي پوهنتونونو د ملا امامانو او مؤذنانو بستونو لپاره ازموینه واخیستل شوه.
د لوړو زده کړو وزارت مالي او اداري معین الحاج حافظ محمد حامد حسیب د یادې ازموینې د شفافیت په اړه وویل:« په دې بستونو به علماء مقرریږي او هغو علماؤ ته به ترجیح ورکول کېږي، چې تر لویې دورې یې زده کړې کړې وي.»
په دې وروستیو کې د لوړو زده کړو وزارت د هېواد دولتي پوهنتونونو او لوړو زده کړو مؤسسو لپاره د ملا امامانو او مؤذنانو بستونه ازادې سیالۍ ته وړاندې کړل، چې د هېواد په بېلابېلو زونونو کې د یادو بستونو لپاره ازموینې اخیستل شوي او نن د مرکزي زون دولتي پوهنتونونو د ملا امامانو او مؤذنانو بستونو لپاره هم ازموینه واخیستل شوه.
نېټه: سه شنبه
۱۴۴۴/۴/۲۷هـ.ق ۱۴۰۱/۹/۱ هـ.ش ۲۰۲۲/۱۱/۲۲م
د لوړو زده کړو وزارت مطبوعاتي دفتر
