د لوړو زده کړو وزارت د پلان، پالېسۍ او تقنین رئیس او ورسره مل پلاوي د دې وزارت د نېمګړو پروژ د بشپړولو په موخه د اقتصاد وزارت له یو شمیر مسؤلینو سره ناسته ترسره کړه.
سه شنبه، ۱۰ کب ۱۴۰۰
د لوړو زده کړو وزارت د پلان، پالېسۍ او تقنین رئیس او ورسره مل پلاوي د دې وزارت د نېمګړو پروژ د بشپړولو په موخه د اقتصاد وزارت له یو شمیر مسؤلینو سره ناسته ترسره کړه.
د لوړو زده کړو وزارت د پلان، پالېسۍ او تقنین رئیس مفتي رضوان الله منیب د اقتصاد وزارت د سیمه ایزې پراختیا له رئیس علی احمد سعادت سره په لېدنه کې، د لوړو زده کړو وزارت اړوند د نېمګړو پروژو د بشپړولو او د بېلابېلو مرستو جذبولو په برخه کې د همکارۍ غوښتنه وکړه.
همدارنګه ښاغلي منیب د اقتصاد وزارت د غیر دولتي مؤسسو د همغږۍ ریاست له مسؤلینو سره هم ولیدل، په ناسته کې دغیر دولتي مؤسسو له لارې د لوړو زده کړو بنسټونو د پیاوړي کولو لپاره د مرستو پر راجذبولو خبرې وشوې، چې د یاد ریاست د مسؤلینو له لوري یې هرکلی وشو او د بشپړې همکارۍ ډاډ ورکړل شو.
