د لوړو زده کړو وزارت رهبري شورا ناسته، د دغه وزارت وزیر په مشرۍ تر سره شوه.
په پیل کې د لوړو زده کړو وزیر شیخ الحدیث مولوي نداء محمد ندیم د رهبري شورا له غړو سره لویدیځ زون ته د خپل سفر جریان شریک کړ او د یاد سفر پر لاسته راوړنو وغږېد. دغه راز یې د هېواد د تحصیلي ډګر په پرمختګ کې د اسلامي امارت د رهبرۍ او کابینې غړو له ملاتړ او همکاریو مننه وکړه او ویې ویل چې مشرتابه په هېواد کې د تحصیل د کیفیت لوړولو او پرمختګ په برخه کې زموږ ټولې غوښتنې منلې دي.
وروسته له اجنډا سره سم په ځینو ریاستونو کې د کمیسیونونو پر جوړولو، د شاروالۍ د سړک جوړولو پلان پر اساس د وزارت ځینو ساحو له منځه تللو، د ځینو خصوصي پوهنتونونو پر ستونزو او یو شمېر نورو موضوعات بحث او لازمې پرېکړې وشوې.
