د لوړو زده کړو وزارت علمي معینیت شورا ناسته د دغه وزارت علمي معین په مشرۍ ترسره شوه.
د ناستې په پیل کې د لوړو زده کړو وزارت علمي معین دوکتور لطف الله خیرخواه د شورا غړو او اړوندو رئیسانو ته په اداري برخو کې د لا زیات کار کولو او همغږۍ په اړه لازمې سپارښتنې وکړې.
همدارنګه د تېرې شورا پرېکړو ته لنډه کتنه وشوه او د اجنډا سره سم د یو شمېر خصوصي پوهنتونونو سره د هوکړه لیکونو په زمینه سازۍ او څرنګوالي، د یو شمېر غایبو علمي کادر غړو د بیا تقرر، له یو ډیپارټمنټ څخه بل ډيپارټمنټ ته د استاد پر تبدیلۍ او پر یو شمېر نورو علمي او متفرقه موضوعاتو بحث او اړینې پرېکړې وشوې.
