د لوړو زده کړو وزارت محصلانو چارو معین او د وزارت تخنیکي ټیم، د لوړو زده کړو په چارو کې د ترکیې هېواد له تخنیکي ټیم سره وکتل او د دواړو هېوادونو پر اکاډمیکو اړېکو یې خبرې وکړې.
۱۴۰۰ کال، د مرغومې ۶مه
د لوړو زده کړو وزارت محصلانو چارو معین او د وزارت تخنیکي ټیم، د لوړو زده کړو په چارو کې د ترکیې هېواد له تخنیکي ټیم سره وکتل او د دواړو هېوادونو پر اکاډمیکو اړېکو یې خبرې وکړې.
په دغه کتنه کې د لوړو زده کړو وزارت محصلانو چارو سرپرست معین انجنیر سید اسماعیل روحاني په مختلفو برخو، په ځانګړي ډول لوړو زده کړو کې، د ترکیې له صادقانه مرستو مننه وکړه او د دغو مرستو د پراختیا او همدارنګه د دواړو هېوادونو تر منځ د اکاډمیکو اړېکو غوښتنه یې وکړه.
دغه راز په کابل کې د ترکیې سفارت تعلیمي سلاکار چنکېز ازدمىر، د لوړو زده کړو په برخه کې د ترکیې تخنیکي ټیم د معرفي کولو تر څنګ وویل، چې موږ د افغانستان لوړو زده کړو وزارت د غوښتنو په پام کې نېولو سره، د خپل هېواد له مقاماتو سره په اړېکه کې یوو او د ځواکمنتیا لپاره یې هڅه کوو.
په پای کې دواړو اړخونو د چارو د غوره مخ ته بېولو لپاره، د تخنیکي ټیمونو پر منظمو ناستو ټېنګار وکړ.
