د لوړو زده کړو وزارت ویاند په مشرۍ یوه پلاوي نېمروز ولایت ته د کاري سفر په ترڅ کې د یاد ولایت د لوړو زده کړو مؤسسې څخه د لیدنې پرمهال د نېمروز لوړو زده کړو مؤسسې رهبري غړو سره د دغې مؤسسې د ۱۴۰۲ کال تشکیل په اړه خبرې وکړې.
د لوړو زده کړو وزارت ویاند او د یاد پلاوي مشر حافظ ضیاء الله هاشمي د نېمروز لوړو زده کړو مؤسسې د بېلابېلو برخو لیدنې ترڅنګ، د یادې مؤسسې د ۱۴۰۲ کال تشکیلاتي جوړښت په اړه خبرې وکړې، د مسؤلینو نظرونه، وړانديزونه او غوښتنې یې واورېدې.
هغه همداراز وویل، لوړو زده کړو وزارت د مسلکي او صادقو اشخاصو ګومارلو لپاره ژمن دی او د استخدام په پروسه کې په پوره دقت او پاملرنې سره کار کوي.
د يادونې وړ ده، چې د دغه پلاوي په ترکیب کې د لوړو زده کړو وزارت د بشري سرچینو رياست يو شمېر کارکوونکي هم شامل دي، څو راتلونکي کال لپاره د نېمروز د لوړو زده کړو مؤسسې د تشکيل په اړه خپل اصلاحي نظريات له اړوندو مسؤلینو سره شريکې کړي.
نېټه: سه شنبه ۹/۷/۱۴۴۴ هـ ق ۱۱/۱۱/۱۴۰۱ هـ ش ۳۱/۱/۲۰۲۳
