د لوړو زده کړو وزارت پلان، پاليسۍ او تقنين رياست یوه پلاوي کندهار ولایت ته د خپل کاري سفر په ترڅ کې د سویل لويدیځ زون یو شمېر امارتي او خصوصي تحصیلي بنسټونو د پلان کمېټو غړو ته د ظرفيت لوړونې په موخه د ستراتیژيک پلان او راپور جوړونې درې ورځنی ښوونيز ورکشا
د ورکشاپ په پیل کې د لوړو زده کړو وزارت د پلان، پالیسۍ او تقنين رئيس مفتي رضوان الله منیب د ستراتیژک پلان د موخو، اغېزو، ارزښت او نهایي کولو په اړه خبرې وکړې او د هرې ادارې د پرمختګ لپاره یې ستراتیژیک پلان جوړونه خورا مهمه برخه یاده کړه، نوموړي د پلان جوړونې پر مسؤلينو غږ وکړ، چې په ياده برخه کې، چې خورا مهمه ده ډېر کار وکړي.
همدارنګه د کندهار پوهنتون رئيس مولوي اکرم شاه عاصم د لوړو زده کړو وزارت څخه ورغلي پلاوي د مننې ترڅنګ خوښي وښوده، چې د ستراتیژیک پلانونو د لاښه ترتیبولو لپاره یو علمي او تخنیکي ورکشاپ دائر شو او هیله یې وکړه، چې د ياد ورکشاپ څخه اعظمي استفاده وشي.
دا په داسې حال کې ده، چې یاد پلاوي تر دې وړاندې د غزني پوهنتون د غزني تخنيکي پوهنتون، خاتم النبيين ﷺ پوهنتون، سلطان محمود غزنوي او مسلم لوړو زدکړو مؤسسو د پلان او احصائې کمېټو غړو سره د اړوندو بنسټونو د پلانونو، راپورونو او احصائيوي فورمونو د اصلاح په موخه ناستې ترسره کړې وې او دغه راز د لوړو زده کړو وزارت د پلان، پاليسۍ او تقنين رئيس مفتي رضوان اللّٰه منيب د غزني والي حافظ محمد امين عمري سره د ياد ولايت تحصيلي بنسټونو سره د همکاریو او اړونده برخه کې د پاملرنې په موخه ناسته ترسره کړې وه.
