د لوړو زده کړو وزارت پلاوي د جوزجان پوهنتون د بېلابېلو مالي برخو څارنې په موخه یاد ولایت ته سفر وکړ.
د لوړو زده کړو وزارت د داخلي تفتیش رئیس مولوي خالد افغان په مشرۍ د دغه وزارت پلاوي د جورجان پوهنتون له رهبري سره د یاد پوهنتون د بېلابېلو مالي برخو څارنې په موخه د یوې ناستې په ترڅ کې وکتل.
د ناستې په پیل کې د جوزجان پوهنتون رئیس مفتي سید انورالحق حبیبي یاد پلاوي ته د ښه راغلاست ترڅنګ د خپلو لاسته راوړنو او فعالیتونو په اړه معلومات وړاندې کړل.
ورپسې د لوړو زده کړو وزارت د داخلي تفتیش رئیس مولوي خالد افغان خبرې وکړې او ویې ویل، چې جوزجان پوهنتون ته د دوی د سفر موخه د بېلابېلو مالي برخو څخه څارنه او د دغه تحصیلي بنسټ د ستونزو او وړاندیزونو اورېدل وو.
