د لوړو زده کړو وزرات عالي شورا تر سره شوه

baqir_admin
یکشنبه ۱۴۰۰/۷/۱۸ - ۵:۸
ل

د لوړو زده کړو عالي شورا ناسته، د لوړو زده کړو سرپرست وزیر شیخ عبدالباقي حقاني په مشرۍ تر سره شوه.

په دغه ناسته کې، چې د لوړو زده کړو وزارت معینانو، مرکزي پوهنتونونو رییسانو، د ښوونې او روزنې، اقتصاد، کار او ټولینزو چارو او مالیې وزارتونو استازو  هم حضور درلود، په یو شمېر دولتي او خصوصي پوهنتونونو کې د فوق لېسانس پروګرامونو د جوړولو پر اړتیا خبرې وشوې. د لوړو زده کړو وزارت سرپرست د فوق لېسانس پروګرامونو جوړول مهم وبلل او د ځوانانو لپاره یې د لا ډېرو تحصیلي اسانتیاوو پر برابرولو ټینګار وکړ. د حقاني په باور یوازې د ګټورو زده کړو له لارې د هېواد پرمختګ ممکن دی.

دغې شورا په دولتي او خصوصي پوهنتونونو کې تقریباً پر ۱۵ فوق لېسانس پروګرامونو موافقه وکړه. خو د لوړو زده کړو وزارت سرپرست د دغو پروګرامونو مالي موضوع د خلکو له اقتصادي شرایطو سره سمه ونه بلله، نو پر دې پرېکړه وشوه، چې د لوړو زده کړو وزارت مالي او ادارې معین په مشرۍ یوه کمېټه جوړه او د هر سمېسټر د فیس په اړه پرېکړه وکړي.

فوق لېسانس پروګرامونه د لوړو زده کړو وزارت له مهمو او ستراتیژیکو موضوعاتو څخه ګڼل کېږي، چې د دغو پروګرامونو پر علمي ارزښت سربېره، د پام وړ مالي مبلغ د دولت په خالصو عوایدو کې لویږي.

تازه خبرونه

یکشنبه ۱۴۰۰/۷/۲۵ - ۷:۲۲
Background image

ازبکستان ته د ا.ا.ا د لوړ پوړي پلاوي سفر او د یاد هېواد د منځنیو او لوړو زده کړو له وزیر سره د ا.ا.ا د لوړو زده کړو سرپرست او ورسره ټیم لیدنه وشوه.

تېره ورځ د ۱۴۴۳ هـ.ق کال د ربیع الاول په ۱۰ مه نېټه، د ا.ا.ا د رئيس الوزرا د مرستيال محترم مولوي عبد السلام حنفي په مشرۍ لوړ پوړي پلاوي دوست هېواد ازبکستان ته یو ورځنی سفر ترسره کړ، چې. . .

شنبه ۱۴۰۰/۷/۲۴ - ۹:۲۳
Background image

اوسنی وضعیت ایجابوي چې داسې علمي معیارونه رامنځته شي چې افغانستان د پرمختګ په تګلوري برابر کړي

دغه ټکی د لوړو زده کړو وزارت سرپرست شیخ عبدالباقي حقاني په هغه ناسته کې څرګند کړ چې د خصوصي پوهنتونونو او تحصیلي موسسو د ستونزو هوارولو، حل لارو، فرصتونو په ګوته کولو او غوښتنو په موخه. . .

یکشنبه ۱۴۰۰/۷/۱۸ - ۵:۸
Background image

د لوړو زده کړو وزرات عالي شورا تر سره شوه

د لوړو زده کړو عالي شورا ناسته، د لوړو زده کړو سرپرست وزیر شیخ عبدالباقي حقاني په مشرۍ تر سره شوه.

په دغه ناسته کې، چې د لوړو زده کړو وزارت معینانو، مرکزي پوهنتونونو رییسانو، د ښوونې. . .

BACK TO NEWS