د لوړو زده کړو وزیر د ترکیې «استانبول طبي چرا پاشاه» پوهنتون له مشرتابه پلاوي سره وکتل
لوړو زده کړو وزیر دوکتور عباس بصیر ترکیې ته د خپل کاري سفر په بهیر کې د "طبي استانبول ولې پادشاه" پوهنتون سره وکتل او د خپلې خوښې وړ موضوعاتو په اړه ویناوې وکړې.
د لیدنې په پیل کې پروفیسور دکتور نوري آیدن او د یاد پوهنتون مشرتابه پلاوي د لوړو زده کړو وزیر دوکتور عباس بصیر او مل پلاوي یې هغه هېواد ته ښه راغلاست ووایه د " استانبول ولې پادشاه" پوهنتون تحصیلي څانګې، تحصیلي برنامې، اکاډمیک فعالیتونو او زدکړیالانو خدمتونو عمومي په هکله عمومي معلومات وړاندې کړل.
وروسته د لوړو زده کړو وزیر دوکتور عباس بصیر د ترکیې هېواد له همکاریو او مرستو څخه په بېلابېلو برخو کې په ځانګړي ډول د لوړو زده کړو په برخه کې مننه وکړه او تر څنګ د افغانستان خصوصي او دولتي پوهنتونونو بلخصوص ابو علي ابن سینا د کابل طبي علومو پوهنتون د علمي او تحصیلي فعالیتونو په هکله یې معلومات ورکړل.
ورسره د لوړو زده کړو وزیر د دواړو هېوادونو د پوهنتونونو پر علمي، تحصیلي ګډو پروګرامونو او اکاډمیکو تجربو ټینګار وکړ او د همدې علمي همکاریو او اړیکو پراخېدو غوښتونکی شو.
ورسره د لوړو زده کړو وزیر دوکتور عباس بصیر د "استانبول ولې پادشاه" له مسولانو څخه وغوښتل چې یاد پوهنتون کې په درس بوخت افغان زدکړیالانو لپاره د اړینو اسانتیاوو د برابرولو په برخه کې له مخکې زیاته پاملرنه وکړي.
په پای کې د مطرح شویو موضوعاتو پلي کولو په برخه کې د دواړو هېوادونو د تحصیلي بنسټونو تر منځ د همکارۍ یوه هوکړه لیک پر لاسلیکولو ټینګار وکړ او د لوړو زده کړو وزیر لخوا د هر ډول همکارۍ ژمنه ورکړل شوه.
