د لوړو زده کړو وزیر د کابل پوهنتون د محصلانو ټولنې ستونزې او وړاندیزونه واورېدل

baqir_admin
سه‌شنبه ۱۳۹۹/۱۲/۱۲ - ۱۲:۲۲
ل

د لوړو زده کړو وزیر ډاکټر عباس بصیر د کابل پوهنتون محصلانو له ټولنې سره په داسې حال کې چې د محصلانو چارو معین سید فرهاد شهیدزاده هم حضور درلود، په یوه ناسته کې د محصلینو ستونزې او وړاندیزونه واورېدل او د ستونزو د حل او ښو زده کړو د چانسونو برابرولو ډاډ یې ورکړ.

په دغه ناسته کې د کابل پوهنتون محصلانو د اتحادیې رییس محمد مصطفی آرین او څو تنو محصلینو خپلې ستونزې وړاندې کړې او د لوړو زده کړو وزارت له عالي مقام څخه یې د دغو ستونزو د اواري غوښتنه وکړه.

د لوړو زده کړو وزیر ډاکټر عباس بصیر د محصلینو د ستونزو له اورېدو وروسته، د محصلینو چارو د ښه‌والي له‌پاره د هغوی له هڅو مننه وکړه او پوښتنو ته یې په بشپړ ډول ځواب ووایه

ډاکټرعباس بصیر محصلانو ته وویل؛ چې د لوړو زده کړو وزارت په دې هڅه کې دی، څو د افغانستان پوهنتونونه د علمي بدلونونو سرچینه واوسي او زده کړې له ښوونیز څخه څېړنیزو ته واوړي

هغه زیاته کړه چې په لېسانس دوره کې د مقالو لیکل او څېړنه د دغه پلان یوه برخه ده، چې په پلي کولو سره به یې وکولای شو د زده کړو، څېړنو، نوښتونو او مثبت بدلون پر لوري لاړ شو او دغه پلانونه به تحصیلي نظام یوه نوي مسیر ته برابر کړي.

د لوړو زده کړو وزیر همداراز وویل؛ چې پر کابل پوهنتون د لړم دولسمې ترهګریز برید ټپیانو ته، په جدي توګه رسېدنه کېږي. ډاکټرعباس بصیر له محصلینو سره ژمنه وکړه، چې د محصلانو د خدماتو، نظم راوستلو، اعاشې، لیلیې، کفیټریا او نورو اړتیاوو په اړه به جدي پاملرنه وشي.

دغه راز د محصلانو چارو معیین پوهندوی سید فرهاد شهیدزاده، د محصلینو ځینو پوښتنو ته د ځواب تر څنګ، هغوی ته د ښو خدمتونو پر وړاندې کولو ټینګار وکړ او ویې ویل چې د محصلینو ستونزو ته د رسېدنې له‌پاره، لوړو زده کړو وزارت ځانګړي اداري خدمات په پام کې لري

د لوړو زده کړو وزارت د محصلانو چارو معیین وویل؛ د محصلینو د ستونزو په خاطر، د محصلانو چارو معینیت شورا هم همکاره ده. همدارنګه محصلین کولای شي، چې د یادې شورا په ناستو کې ګډون وکړي او د تحصیلي چاپېریال په ښه والي او ستونزو په له منځه وړلو کې لوړو زده کړو وزارت سره مرسته وکړي.

تازه خبرونه

یکشنبه ۱۴۰۰/۱/۲۹ - ۱۰:۱۸
Background image

د لوړو زده کړو وزارت مرکزي ادارو د تشکیلاتو جوړښت بیاکتنې کمېټې ناسته وشوه

د لوړو زده کړو وزارت مرکزي ادارو د تشکیلاتو جوړښت بیاکتنې کمېټې ناسته نن د دغه وزارت مالي او اداري معین په مشرۍ ترسره شوه.

په پیل کې د لوړو زده کړو وزارت مالي او اداري معین نور احمد. . .

دوشنبه ۱۴۰۰/۱/۱۶ - ۱۱:۱۱
Background image

د لوړو زده کړو وزارت د محصلانو خدماتو د انسجام نوې آمره معرفي شوه

. آغلې تمنا فقیري نن د لوړو زده کړو وزارت د دولتي محصلانو چارو رییس پوهنوال محمد شریف امین او د لوړو زده کړو وزارت ویاند پوهنیار حامد عبیدي له لوري د دغه وزارت د محصلانو خدمتونو د. . .

یکشنبه ۱۴۰۰/۱/۱۵ - ۴:۲۴
Background image

د لوړو زده کړو وزارت او انرژۍ خدمتونو د تنظیم ادارې تر منځ نن د همکاریو هوکړه لاسلیک شوه

له دغې هوکړې څخه موخه؛ د انجینرۍ، چاپېریال ساتنې، برېښنا او انرژۍ په برخو کې د مسلکي تجربو شریکول، د علمي ناستو هدفمنول، د تحصیلي نصاب لا معیاري کول، فارغ شویو زدکړیالانو ته د کار لار. . .

BACK TO NEWS