د ننګرهار پوهنتون د علمي مجلو او څېړنیز بهیر د ارزونې ناسته د دغه پوهنتون د رئیس پوهاند دوکتور خليل احمد بهسودوال په مشرۍ تر سره شوه
۱۴۰۰ سلواغه ۲۱ مه
د ننګرهار پوهنتون د علمي مجلو او څېړنیز بهیر د ارزونې ناسته د دغه پوهنتون د رئیس پوهاند دوکتور خليل احمد بهسودوال په مشرۍ تر سره شوه.
په دغه ناسته کې د علمي مجلو پر څرنګوالي، د پوهنتون د څېړنیز بهیر پر معیاري کېدو او د څېړنیز مرکز د تجهیز او پیاوړتیا په اړه له اړوندو سکټوري ادارو سره د ګډو څېړنو د ترسره کېدو پر شونتیا بحث وشو. همدارنګه د فوق لیسانس پروګرامونو د فارغېدونکو محصلانو له خوا د نویو موضوعات پر ټاکلو خبرې وشوې، تر څو داسې موضوعات وټاکي چې د ټولنې ستونزې هوارې کړي.
ننګرهار پوهنتون د پوهې، حق، طبي پوهې، کرکېله، شريعت وړانګې او ادب پوهې په نومونو شپږ علمي مجلې او اکاډمیک ژورنالونه لري، چې د دې پوهنتون د استادانو فرعي علمي اثار چاپوي او د مینهوالو په واک کې یې ورکوي.
