(د نوي تدريس لارې) تر سرليک لاندې ورکشاپ جوړ شو
د شهید استاد رباني د ښوونې او روزنې پوهنتون استادانو ته د دې پوهنتون د پراختیا په مرکز کې (د تدریس نوې لارې) تر سرلیک لاندې ورکشاپ جوړ شو.
په دې پوهنتون کې د یاد پوهنتون علمي مرستیال پوهاند جمشېد رسولي د دې ورکشاپ د اهمیت او ارزښت، پوهنمل ضیا الدین انصاري په اسلام کې د تدریس د ارزښت په اړه بحث او نظرونه تبادله کړل او څو تنو نورو استادانو هم د يادې موضوع په اړه خبرې وکړې. یاد ورکشاپ د نوي تدریس د لارو په اړه د ګډونوالو د تجربو په تبادله کولو سره پای ته ورسېد.
