د هېواد د پوهنتونونو د کمپیوټر ساینس پوهنځي د تحصیلي نصاب د بیاکتنې او پراختیا پنځه ورځینی کلستر نن پای ته ورسېد.
د هېواد د پوهنتونونو د کمپیوټر ساینس پوهنځي د تحصیلي نصاب د بیاکتنې او پراختیا پنځه ورځینی کلستر نن پای ته ورسېد.
پنج شنبه، ۲۶ کب ۱۴۰۰
په دې مرسمو کې د لوړو زده کړو سرپرست وزیرمولوي عبدالباقي حقاني، د تحصیلي نصاب رئیس عبدالرؤف فراهي ، استادانو او یو شمیر مسؤلینو ګډون کړی وو.
په دغې غونډه کې د لوړو زده کړو سرپرست وزیر مولوي عبدالباقي حقاني د استادانو هڅې وستایلې او ویې ویل، کله چې الله ج یو انسان ته د خیر اراده وکړي؛ نو د خلکو خدمت ترې اخلي.
ده زیاته کړه، هر سړی ځیني مسؤلیتونه لري چې استادانو نن خپل مسؤلیت ترسره او دهېواد نوي نسل ته یې یو ښه نصاب برابر کړ.
دغه راز سرپرست وزیر ددې او تېرو کلسترونو پر فعالیتونو باندې خوښي څرګنده کړه او ددې لړۍ د دوامداره ساتلو ژمنه یې وکړه.
همدارنګه ښاغلي حقاني له استادانو وغوښتل، چې تل نوښتګر نظریات د لوړو زده کړو وزارت سره شریک کړي، ترڅو تحصیلي برخه قوي او د نوي نسل د سالمې روزنې سبب وګرځي.
بل لور ته د یاد کلستر د بېلابېلو ټیمونو په استازولۍ یو شمیر استادانو خپل معلومات شریک کړل او دا اقدام یې د راتلونکي نسل لپاره مهم وباله، دغه راز یې د لا ډېر خدمت کولو ډاډ څرګند کړ.
د یادولو ده چې له دې وړاندې هم د هېواد پوهنتونو یو شمیر پوهنځیو اړوند کلسترونه ترسره شوي دي.
