د هېواد علمي او مسلکي کادرونه دې له نظام سره اوږه په اوږه کار وکړي.
یادې څرګندونې د کندهار والي حاجي محمد یوسف وفا په کندهار پوهنتون کې د لوړو زده کړو وزارت له پلاوي سره د کندهار پوهنتون د لاسته راوړنو او ستونزو د شریکولو په موخه جوړې شوې ناستې ته وکړې.
په یاده ناسته کې د لوړو زده کړو وزارت پلاوي، د کندهار والي، د کندهار پوهنتون رئیس، استادانو او اداري کارکوونکو ګډون کړی و.
د لوړو زده کړو وزارت د دیني جامعاتو او تخصصاتو لوی ریاست د دیني معتبرو جامعاتو د ثبت او ایجاد رییس مولوي اسدالله فرید د هېواد له علمي کادرونو او مسلکي اشخاصو وغوښتل چې د هېواد د ودانولو لپاره له نظام سره یو ځای کار وکړي او د هېواد د ځان بساینې په برخه کې خپل مسؤلیت اداکړي.
همدارنګه د کندهار پوهنتون رئیس پوهنوال ډاکټر محمد زکریا امیرزاده وویل، چې کندهار پوهنتون د هېواد او خپلې ټولنې لپاره علمي او مسلکي کادرونه روزي او همدارنګه نوموړي د یاد پوهنتون یو شمېر ستونزې د لوړو زده کړو وزارت له پلاوي او د کندهار له والي سره شریکې کړې.
