د چاپېریال ساتنې نړیواله اوونۍ په شېخ زاید پوهنتون کې ونمانځل شوه

baqir_admin
شنبه ۱۴۰۰/۳/۲۲ - ۱۱:۲۲
g

شېخ زاید پوهنتون کې د کرنې پوهنځي او د چاپېریال ساتنې ریاست لخوا په ګډې همغږۍ ونمانځل شوه.

په دې غونډه کې د پوهنتون رئیس پوهنمل حسین ګل اریوبي په پیلیزو خبرو کې زیاته کړه، چې د چاپېریال ساتنې اهمیت دومره زیات دی چې څومره وغواړئ پرې بحث کېدای شي.

پوهنمل اریوبي وویل چې د ښه چاپېریال لرلو لپاره اړینه ده چې د چاپېریال پوهنې په اړه معلومات ولرو. که خلک خپل مسؤلیت ادا‌ء نه کړي نو پوهان وایي چې د ځمکې تودوخې درجه به دومره لوړه شي چې ښایي د شمسي نظام سیارو حرکت ګډوډ کړي.

د چاپېریال ساتنې رئیس ډیپلوم انجنیر پاینده محمد سهاک د چاپېریال ساتنې ملي ادارې لخوا د چاپېریال ساتنې نړیوالې اوونۍ په اړه مطبوعاتي خبرپاڼه ګډونوالو ته واوروله او د یوه ښه چاپېریال د ګټو په اړه یې هر اړخیزه وینا وکړه.

ښاغلي سهاک وویل چې افغانستان هم د نورو هېوادونو په شان د چاپېریال په اړه ګڼو ستونزو سره مخ دی خو د چاپېریال ساتنې ملي اداره د هېواد له نورو ادارو سره په همکارۍ یادو ستونزو ته د هواري لارې لټوي.

علمي مرستیال او د چاپېریال ساتنې استاد پوهندوی شفیع ګل شفیقي د چاپېریال اړوند ایکو سیستم باندې رڼا واچوله چې د ژوندیو موجوداتو او د چاپېریال او یو پر بل باندې یې اغېزې بیان کړې.

سږ کال د ملګرو ملتونو لخوا د چاپېریال ساتنې نړیوالې اوونۍ لپاره (د ایکو سیستم د بیارغونې لپاره هڅه) شعار ټاکل شوی دی، چې د همدې شعار لاندې د نړۍ په ډېری هېوادونو کې د بېلابېلو پروګرامونو له لارې یاده ورځ ونمانځل شوه.

د افغانستان چاپېریال ساتنې ملي اداره په همدې موخه د لومړي ځل لپاره په ۱۳۸۳کال کې د ژوند چاپېریال خپلواک ریاست، د برېښنا او اوبو وزارت تر چتر لاندې او وروسته په ۱۳۸۴ کال کې د چاپېریال ساتنې ملي ادارې په نوم ونومول شوه.

غونډه د یوه زرغون او له ککړتیا پاک چاپېریال په هیله د دعایې په ویلو سره پای ته ورسېده.

تازه خبرونه

دوشنبه ۱۴۰۰/۵/۴ - ۹:۵۷
Background image

په لوړو زده کړو بنسټونو کې د کورونا ویروس د تطبیق د چټکتیا په موخه ناسته وشوه

د هېواد ټولو دولتي او خصوصي پوهنتونو کې د کورونا ویروس واکسین تطبیق پروسې په اړه، لوړو زده کړو وزارت کې ناسته وشوه.

دغه ناسته کې د لوړو زده کړو وزارت د دولتي محصلانو رییس پوهنوال. . .

شنبه ۱۴۰۰/۵/۲ - ۱۲:۴۸
Background image

د لوړو زده کړو وزیر د دغه وزارت مرکزي ادارو له کارکوونکو سره د اختر مبارکي وکړه

په اصولو او مقرراتو درېدل او له مراجعینو سره غوره چلند د ملکي خدمتونو د یوې ادارې د هر مامور اساسي مکلفیت دی او اړینه ده چې پام ورته وشي.

دغه ټکی د لوړو زده کړو وزیر دوکتور عباس بصیر. . .

یکشنبه ۱۴۰۰/۴/۲۷ - ۵:۳
Background image

د لوړو زده کړو وزیر د مصر له سفیر سره وکتل

د لوړو زده کړو وزیر دوکتور عباس بصیر په کابل کې د مصر له سفیر احمد اسماعیل عثمان سره د لیدنې پر مهال د اکاډمیکو همکاریو او د هغه هېواد تحصیلي بورسونو د پروسې د بشپړېدو او قبولۍ د. . .

BACK TO NEWS