د کابل طبي پوهنتون د زړه، سینې او رګونو ناروغیو انسټېټیوټ افغانستان کې ا.ا.ا له واکمنۍ وروسته د پام وړ لاسته راوړنې لرلي،

د کابل طبي پوهنتون د زړه، سینې او رګونو ناروغیو انسټېټیوټ افغانستان کې ا.ا.ا له واکمنۍ وروسته د پام وړ لاسته راوړنې لرلي، چې د دغه انستیتیوت د رهبرۍ او روغتیايي پرسونل د هڅو په پایله کې هېوادوالو ته د تشخیص او درملنې ښه زمینه برابره شوه.
د دغه انسټېټیوټ د فعال پرسونل د دوامداره هڅو په مرسته مجهزه عملیات خونه او د (PDA) عملیات شروع شول. همداراز د زړه د خلاصو عملیاتو لپاره د روغتون طبي پرسونل ته بېلابېل ټریننګونه په لاره اچول شوي او د دغې عملیاتو لپاره یې د Heart lung ماشین اخیتسې او نصب کړی دی.
د یاد ماشین سربېره، د انستیزي ماشین، د عملیات خونې لایټونه او لسګونه نور وسایل رانیولي دي، چې اوس مهال یاد انسټېټيوټ د زړه د خلاصو عملیاتو لپاره په ټولو وسایلو سمبال او اماده دی. 
د زړه، سینې او رګونو ناروغیو انسټېټیوټ د لوړو زده کړو وزارت په همکارۍ توانېدلی دی، چې د 49 میلیونه افغانیو په ارزښت بې سرنوشته سامان آلات د (ETO ، دیالایزس Electro cautery, sternal saw cardiac monitor) په شمول مهم وسایل ګټې اخېستنې ته وسپاري.
دغه انسټېټيوټ په اوایلو کې (30) بستره لرل، چې د مسؤلینو په هڅو یې د بسترو شمېر (50) ته ورسېده. همدارنګه د ناروغیو د تشخیص او ښه روغتیایې خدماتو وړاندې کولو په موخه د لابراتوار تجهيز ته کامله پاملرنه وشوه، چې هېماتولوژي، هورموني، بیوشیمي او نورو معایناتو لپاره ماشینونه خریداري او د هېوادوالو د ګټې اخیستنې ته سپارل شوي دي.