د کابل پولي تخنيک پوهنتون کې د معلوماتي ټکنالوژۍ مرکز او د wi fi zone پروژه پرانيستل شوه

baqir_admin
سه‌شنبه ۱۳۹۹/۱۲/۵ - ۱۲:۵۴
g

 د معلوماتي ټکنالوژۍ مرکز او د کابل پولي تخنیک پوهنتون د Wi Fi zone  پروژه نن د لوړو زده کړو وزیر لخوا پرانیستل شوه او ګټې اخیستنې ته وړاندې شوه.

د معلوماتي ټکنالوژۍ مرکز پروژې له پرانیستلو سره چې د لوړو زده کړو د پراختیا پروګرام (HEDP) په مالي مرسته د څه دپاسه ۳۵ میلیون او ۷۰۰ زره افغانۍ په لګښت او د دغه پوهنتون د Wi Fi zone پروژه د شاوخوا دوه میلیون افغانیو په لګښت د اترا ادارې په مرسته جوړه شوې ده، د پوهنتون ټولو برخو ته د چټک انټرنټ برابرولو، د پوهنتون د بېلابېلو برخو د شبکه جوړونې، په پرمختللو وسایلو د ټولګیو سمبالولو او د انټرنټي خدماتو د سم مدیربت په برخه کې د استادانو او محصلانو لپاره اسانتیاوې برابروي.

په هغه محفل کې چې په همدې اړه د کابل پولي تخنیک پوهنتون کې جوړ شوی و، د لوړو زده کړو وزیر دکتور عباس بصیر د یادو پروژو له پرانیستنې څخه خوښي وښوده او ویې ویل چې زموږ یو اساسي پروګرام له معلوماتي ټکنالوژي څخه په ګټې له روزنیز محوري څخه تحقیق محوري ته د لوړو زده د نظام بدلول دي.

نوموړي زیاته کړه:"د ورته مرکزونو اغېزناکتیا به هغه مهال ښه او غوره وي چې له دغو مرکزونو څخه د څېړنیزو او روزنیزو پروګرامونو په برخه کې سمه ګټه واخیستلی شو."

د لوړو زده کړو وزیر همدارنګه د یادو پروژو د بشپړولو په پار د لوړو زده کړو د پراختیا پروګرام له دفتر (HEDP)، اترا ادارې، د کابل پولي تخنیک پوهنتون او د لوړو زده کړو وزارت همکارانو څخه مننه وکړه او د یو لړ طرحو او پروګرامونو یادونه یې هم وکړه چې پر بنسټ یې لوی پوهنتونونه د خپلو روزنیزو فعالیتونو له مخې د هېواد په پرمختګ او پراختیا کې رول ولوبوي.

ورپسې د لوړو زده کړو وزارت مالي او اداري معین نور احمد درویش د معلوماتي ټکنالوژۍ د مرکزونو د رامنځته کولو د موخو په اړه وینا وکړه او ویې ویل چې د معلوماتي ټکنالوژۍ د مرکزونو د رامنځته کولو پروګرام له ۲۰۱۶ کال راپدېخوا په څوارلس تحصیلي بنسټونو کې پیل شو چې د کابل پولي تخنیک پوهنتون کې د وروستي مرکز له رامنځته کولو سره دغه پروګرام پای ته ورسېد.

نوموړي وویل چې د دغو مرکزونو له لارې په لومړي ګام کې د پوهنتون ټولې برخې له انټرنټي شبکې سره نښلول کېږي او په نورو پړاوونو کې به د هېواد له نورو پوهنتونونو او بیا د سیمې او نړۍ له پوهنتونونو سره د انټرنټ له لارې ونښلول شي.

همدارنګه د کابل پولي تخنیک پوهنتون مشر پوهنوال عبدالرشید اقبال د لوړو زده کړو وزارت له مشرتابه څخه مننه وکړه چې د تحصیلي بنسټونو په تېره بیا د کابل پولي تخنیک پوهنتون ودې او پراختیا ته پاملرنه کوي. نوموړي یو لړ غوښتنې او وړاندیزونه د لوړو زده کړو وزارت له مشرتابه سره شریک کړل.

محفل د لوړو زده کړو وزیر او د دغه وزارت د مالي او اداري معین په مټ د یاد مرکز په پرانیستنې پای ته ورسېد.

تازه خبرونه

چهارشنبه ۱۳۹۹/۱۲/۱۳ - ۱۱:۵
Background image

د چاپېریال او اوبو څېړنې ملي مرکز د اساسنامې د بډاینې او وروستي کولو په‌پار ناسته وشوه

د افغانستان چاپېریال او اوبو څېړنې ملي مرکز د اساسنامې د بډایه او وروستي کېدو په موخه، د ګډې کمیټې ناسته د لوړو زده کړو وزارت علمي معین په مشرۍ جوړه شوه.

د ناستې په پیل کې د لوړو زده. . .

سه‌شنبه ۱۳۹۹/۱۲/۱۲ - ۱۳:۱
Background image

د کابل پوهنتون د عامه اړیکو او پالیسۍ او همدارنګه د ریاضیاتو پوهنځي پرانیستل

د لوړو زده کړو وزیرد کابل پوهنتون د عامه اړیکو او پالیسۍ او ریاضیاتو پوهنځیو نوې ودانۍ پرانیسته او ګټې اخیستنې ته یې وسپارله.

 د دغې ودانۍ په پرانیسته کې د لوړو زده کړو وزیر ډاکټر عباس. . .

سه‌شنبه ۱۳۹۹/۱۲/۱۲ - ۱۲:۲۲
Background image

د لوړو زده کړو وزیر د کابل پوهنتون د محصلانو ټولنې ستونزې او وړاندیزونه واورېدل

د لوړو زده کړو وزیر ډاکټر عباس بصیر د کابل پوهنتون محصلانو له ټولنې سره په داسې حال کې چې د محصلانو چارو معین سید فرهاد شهیدزاده هم حضور درلود، په یوه ناسته کې د محصلینو ستونزې او. . .

BACK TO NEWS