د کيفيت د تضمين او اعتبار ورکولو سرپرست رئيس او پلاوي په کندهار کې د اناستو پوهنتون څخه ليدنه وکړه
د کيفيت د تضمين او اعتبار ورکولو سرپرست رئيس او پلاوي په کندهار کې د اناستو پوهنتون څخه ليدنه وکړه
د لوړو زده کړو وزارت د کيفيت د تضمين او اعتبار ورکولو سرپرست رئيس شاکر وحيدي او ورسره پلاوي، په داسې حال کې چې د کندهار پوهنتون مالي او اداري مرستیال انجنير محمد ناصر نېکزاد هم ورسره ملتيا کوله، د افغانستان د کرنيزو علومو او ټکنالوژۍ ملي پوهنتون (اناستو) څخه ليدنه وکړه.
ښاغلي شاکر وحيدي د اناستو پوهنتون پر اهميت خبرې وکړې او ډاډ يې څرګند کړ، چې د لوړو زده کړو وزارت د کيفيت د تضمين او اعتبار ورکولو رياست له خوا به د یاد پوهنتون سره د اړېکو پر ټېنګښت او په ځانګړي ډول د کيفيت د تضمين مرکز سره د بشري سرچينو په برخه کې همکاري ترسره شي.
بل لورته د یاد پوهنتون د رهبرۍ له خوا د اناستو پوهنتون د تاسيس پر تاريخچه، لاسته راوړنو، ننګونو او راتلونکو پلانونو اړوند معلومات وړاندې شول.
همداشان د دې ليدنې په وروستیو کې د کيفيت د تضمين مرکز، څېړنيز مرکز، پي ډي سي مرکز، لابراتوار او کتابتون څخه هم ليدنه ترسره شوه.
