د (International Conference WATER, MEGACITIES AND GLOBAL CHANGE 2nd) تر سرلیک لاندې کنفرانس ته د مقالې لیږلو بلنه
په پارېس کې د ا.ا.ج محترم سفارت د خپل مکتوب په ترڅ کې خبر ورکوي چې د یونسکو سازمان د رسمي ایمیل له لارې د۲۰۲۰ د جنورۍ په ۱۵ نیټه د (د لویو ښارونو اوبه او نړیوال بدلونونه) تر سرلیک لاندې د ۲۰۲۰ ډسمبر له ۱ تر ۴ نیټې د دویم نړیوال کنفرانس جوړیدلو خبر ورکړی دی او له کارپوهانو، پوهانو، د مدنې ټولنې استازو، ځوانانو او هنرمندانو څخه یې غوښتنه کړې تر څو د یاد کنفرانس د موضوع اړوند خپلې مقالې د ۲۰۲۰ فبروري ۲۰ نیټې څخه مخکې www.eaumega2020.sciencesconf.org انټرنټي پتې ته ور ولیږي.
د یادونې وړ دی، چې د موضوع په اړه لازم معلومات په www.en.unesco.org.events.eaumega2020 ویب سایټ کې شتون لري.
همدارنګه مینوال کولی شې د زیاتو معلوماتو لپاره د eaumega2020@unesco.org بریښنایې پتې سره اړیکه ونیسې.
