له دولتي پوهنتون څخه دولتي ته د محصلانو تبدیلي د ۱۴۰۰/۱۰/۱ نېټې څخه پیل او په لاندې شرایطو تر دوو میاشتو پورې ترسره...

Akmal_admin
تبدیلی محصلین پوهنتون های دولتی به دولتی سر از تاریخ 1/10/ 1400برای مدت دو ماه با شرایط ذیل

خبرتیا!

له دولتي پوهنتون څخه دولتي ته د محصلانو تبدیلي د ۱۴۰۰/۱۰/۱ نېټې څخه پیل او په لاندې شرایطو تر دوو میاشتو پورې ترسره کېږي: 
1ـ په لومړي پوهنتون کې لږ تر لږه د یوه سمستر په بریالي ډول پوره کول.
2ـ د ښځینه وو تبدیلي د همدې خبرتیا د لومړۍ کرښې او لېسانس روزنیزې دورې د ۲۹مې مادې، درېیم بند پر اساس، د دواړو تحصیلي بنسټونو په موافقه او د کانکور معیاري نومرو په پوره کولو سره تر سره کېږي. 
3ـ د لېسانس روزنیزې دورې د مقررې پر اساس د نارینه (ذکور) محصلانو تبدیلي له روزانه څخه روزانه ته نه کېږي. نارینه محصلانو تبدیلي یوازې له روزانه څخه شبانه ته، په ورته څانګه، ټولګي او سمستر کې تر سره کېږي. 
4- هغه نوي شامل شوي محصلان چې د ۱۴۰۰کال، کانکور ازموینې له لارې جذب شوي، د تبدیلۍ پروسه یې په مرغومې او سلواغه کې نه تر سره کېږي، ځکه یو سمستر یې پای ته نه دی رسولی. 
5ـ هغه محصلان چې له یوه سمستر څخه یې زیات درس لوستی، د لېسانس مقررې پر اساس یې تبدیلي په مرغومې او سلواغه میاشت کې پیلیږي. 
6ـ د تبدیلۍ فورم له لومړي پوهنتون څخه تر لاسه او د دواړو (لومړي او دویمي) پوهنتونونو له موافقې وروسته دې، د نهایي طی مراحل کولو لپاره د دولتي محصلانو چارو ریاست ته وسپاري او د کار پېژندنې له کمیسیون وروسته یې پایلې اعلانیږي. 
هغه محصلان چې د کار پېژندنې له کمیسیون وروسته د شرایطو وړ وي، لاندې پړاوونه تعقیبوي: 
7ـ د کمیسیون له تایید وروسته، د محصل د سوانحو د غوښتلو لپاره اړوند (لومړي) پوهنتون ته مکتوب ورکول کېږي. 
8ـ د محصل د سوانحو له تر لاسه کولو وروسته، په داسې حال کې چې د محصل سوانح قانوني ستونزه ونه لري، د زده کړو د دوام لپاره دویمي پوهنتون ته مکتوب ورکول کېږي.
9ـ هغه محصل چې په لومړي پوهنتون کې یې په دوو مضمونونو کې کرېډېټ نه وي پوره کړي، تبدیلي یې نه طی مراحل کېږي. 
10ـ یو محصل په خپله تحصیلي دوره کې یوازې یو ځل د تبدیلي حق لري. 
11ـ تبدیلي یوازې په ورته څانګه، ټولګي او سمستر کې اجرا کېږي. 
نوټ: هغه محصلان چې تبدیلي یې د کار پېژندنې کمیسیون له لوري رد کېږي، د تبدیلي اسناد یې ترې اخیستل کېږي او بښنه ترې غوښتل کېږي. 
په درناوي

Latest announcements

شنبه ۱۴۰۳/۱/۴ - ۸:۱۳
Background image

د لوړو زده کړو وزارت مرکزي ادارو اړوند اداري بستونو د تحریري ازموینې د پایلو اعلان جدول له لاندې لینک څخه ترلاسه کولای شئ.

 

 

لینک
نوټ: هغه کسان چې په تحریري ازموینه کې بریالي شوي د دغه وزارت بشري سرچینو ریاست له لوري به د مصاحبې (انټرویو) لپاره راوغوښتل شي.

چهارشنبه ۱۴۰۳/۱/۱ - ۵:۲۷
Background image

د عالمیې مرحلې د متفرقه ازموینې په اړه د لوړو زده کړو وزارت خبرتیا!


د لوړو زده کړو وزارت د دیني جامعاتو او تخصصاتو لوی ریاست په پلان کې لري، چې د ټولو هغو علماء کرامو څخه چې د عالمیې مرحلې د اسنادو د ارزونې او معادلت په موخه د شعبان المعظم میاشتې د . . .

سه‌شنبه ۱۴۰۳/۱۲/۲۹ - ۷:۲۰
Background image

د قرارداد ورکولو تصمیم نیونې خبرتیا ! 


په دې توګه د تدارکاتو قانون د (۴۳) مادې د (۲) فقرې له مخې ټولو ته خبر ورکول کیږي، چې د لوړو زده کړو وزارت په پام کې لري، چې د څېړني، تاليف او ژباړې ریاست کمپيوټرونو او برښنا ذخیرې تهیه . . .

Back to announcements