ننګرهار پوهنتون ته پر غځېدلي سړک بريښنايي پایې ګټې اخېستنې ته وسپارل شوې.
یاد سیستم، چې د لایټینګ ۴۴ معیاري پایې او ګروپونه په کې شامل دي، د جلال آباد ښاروالۍ په مالي مرسته جوړ او د یو لړ ځانګړو مراسمو په ترڅ کې د ننګرهار پوهنتون او جلال آباد ښاروالۍ د مسؤلینو له خوا پرانیستل شو.
د پرانیستې پر مهال یې د ننګرهار پوهنتون د مالي او اداري چارو مرستیال پوهنیار قاضي خالد صداقت د جلال آباد ښاروالۍ له مسؤلینو مننه وکړه، چې د پوهنتون په رغونه کې یې تل مرسته کړې او د همکاریو د دوام هیله یې وکړه.
د جلال آباد ښاروالۍ د پوهنتون رهبرۍ ته په راتلونکې کې هم د ورته همکاریو ډاډ ورکړ.