په هلمند پوهنتون کې د پایلو پر بنسټ او محصل محورۍ (OBE-SCL) ۱۲ ورځنی روزنیز ورکشاپ پیل شو
یاد ورکشاپ چې د غویي میاشتي پر ۲۶مه نېټه پیل شوی او ۱۲ ورځې به دوام ولري. په دې ورکشاپ کې د ماسټر ټرېنر استادانو له لوري استادانو ته د تدریس پر بېلابېلو نویو لارو چارو، په زده کړو کې د زدکړیالانو د ونډې او په تدریس کې د ارزونو ډولونو باندې بحث کېږي.
یاد پروګرام د لوړو زده کړو وزارت د پرمختیایي پروګرام (HEDP) له لوري په پوهنتونو کې تمویلېږي چې له نېکه مرغه په دې وروستیو کلونو کې یې د استادانو سره د تدریس د نویو میتودونو په پوهاوي کې رغنده مرسته کړې ده.
د هلمند پوهنتون اداره هڅه کوي چې د زدکړیالانو لپاره داسې رونیز چاپېریال رامنځته کړي چې تر فراغت وروسته په مسلکي برخه کې د ټولنې په پرمختګ کې فعاله ونډه ولري.
